Galdakaoko Udala. Migrazioa

Migrazioa

Galdakaon erroldatutako 29.427 pertsonetatik 1.764 atzerriko herrialderen batean jaiotakoak dira, hau da, biztanleriaren % 6 inguru. Errealitate horren aurrean, agerian dago kultura aniztasuna udalerriko errealitatea dela.

Udalak aniztasun horren balioa aitortu nahi du, eta Galdakaon bizi diren pertsona guztien arteko tratu berdintasuna eta diskriminaziorik eza bermatuko duen kulturarteko bizikidetza sustatu nahi du. Beraz, Galdakaoko Udaleko Immigrazio eta Kulturartekotasun Sailaren helburua udalerriko etorkinei gainerako biztanleen eskubide berberak bermatzea da, gurekin eta gure artean bizi daitezen.

Galdakaoko Udaleko Immigrazio eta Kulturartekotasun Arloa Euskadiko Toki Erakundeei buruzko Legeari erantzuteko sortu da: 17.1 artikuluak ezartzen du udalerriek, lege honetan eta aplikatzekoa den legerian xedatutakoaren esparruan, eskumen propioak baliatu ahal izango dituztela immigrazioaren arloko gizarteratze politiken kudeaketari buruzko eremu materialean, atzerritartasunaren arloko legeriarekin bat etorriz eta autonomia-erkidegoetako erakundeekin lankidetzan.

Esku-hartzea bideratzen duten bi esparru garrantzitsu daude: Migraziorako eta Asilorako Euskal Ituna eta Eusko Jaurlaritzaren herritartasunari, immigrazioari eta asiloari buruzko Kulturarteko VI. Plana (2022-2025).
Zerbitzu honen helburu nagusia da immigrazioa eta kultura aniztasuna kudeatzeko zeharkako estrategia bat garatzea, tokian tokiko kulturarteko ikuspegitik.

Esku hartzeko eremu nagusiak honako hauek dira: arloen arteko aholkularitza, diagnostikoa, harrera, sentsibilizazioa, migratzaileen eta gizarte-erakundeen (laguntzakoak edo migratzaile/errefuxiatuenak) parte-hartzea sustatzea.

DOKUMENTU INTERESGARRIAK

Atzerritar jatorriko pertsonen egoera Galdakaon -Ikuspegi Immigrazioaren Euskal Behatokiak. (6.522 Kb-pdf)

Udalak bat egin du Migraziorako Euskal Itun Sozialarekin. (2.155 Kb-pdf)

Udalak Auzolana I ekimenean parte hartu du, harrera-sistema arrunta indartzeko. (373 Kb-pdf)