Entzuten dizugu
Castellano | English

Bilatzailea:

Hasiera |

Berriak

Berriak

Zabalik dago Berbalagun proiektuan izena emateko epea

Euskara   2023/09/18

Berbalagun proiektuaren 18. edizioan parte hartzeko izen ematea zabalik dago; ikasturte osoan zabalik egongo bada ere, irailean egitea gomendatzen dute antolatzaileek urrian hasiko delako funtzionamenduan. Izena ematea dohainik da, eta egitasmoaren helburua herriko jendeak euskara kalean praktikatzea da. Horretarako, euskaraz ondo moldatzen den jendea praktikatzeko zailtasunak dituenarekin nahastuko da, laguntza behar dutenek erreferente bat izan dezaten.

Taldeak astean behin geratuko dira, ordubetez, gehienak kafe baten bueltan; edozein kasutan, talde baten baino gehiagotan parte hartzeko aukera dago. 

Helburu taldeak ere badaude Berbalagun egitasmoan; euskara ez ezik, zaletasunak ere partekatzen dituzte bertan parte hartzaileek: eskulan taldea, mus taldea, paseo taldea, gurasolagun taldea, eskalada taldea, mendi taldea…

Izena emateko mezua bidali behar da galdakao_berba@aek.eus helbidera edo 607 146 855 zenbakira deitu.