Igo
  • 2020/09/16

Usansolo, Aperribai, Urreta eta Berezikoetxeko ludoteka-zerbitzuak berriz ere aurrez aurre eskainiko dira

Izen-emate epea irailaren 15ean hasi da eta online lotura honetan:


📝 https://forms.gle/Sj9XXuKUeMHnNGGbA


Hemendik gutxira Galdakaoko eta Usansoloko haurrek eta gaztetxoek elkarrekin euskaraz gozatzeko aukera paregabea izango dute ludoteketan. Ikasturte berri honen hasierarekin batera, berriz ere aurrez aurreko zerbitzua eskainiko dute ludotekek, betiere pandemia egoerak eskatzen dituen segurtasun- eta osasun-neurri guztiak bermatuta. Aldi berean, Bengoetxeko ludoteka martxan jartzeko lanean ari gara.


Arestian aipaturiko helburuak bermatzeko ludoteken ohiko funtzionamendua egokitu egin behar izan da:


a) Erabiltzaileen adin-tartea: 4 eta 11 urte bitarteko haurrek izango dute aukera ludotekan parte hartzeko. Talde txikiak eta egonkorrak egingo dira. Horretarako, izen-emate prozesua hilero zabalduko da eta online egin behar izango da. Izan ere, hilaren 1etik 15era hurrengo hilabetean ludoteka zerbitzuan parte hartzeko izen-ematea zabalduko da eta emaitza hilaren bigarren hamabostaldian jakinaraziko zaie familiei.


Izena ematerakoan, haur bakoitzak asteko egun bakarra aukeratu beharko du, eta hautatutako egun horretan joateko eskubidea izango du. Talde isolatuak eta egonkorrak bermatzeko neurritzat hartu da erabaki hori.


Ez da zozketarik egingo. Izena ematen duten lehenengo 10 haurrek izango dute lehentasuna. Hilero-hilero zerrendak eguneratu egingo dira.


b) Ratioa: gehienez 10 haurrez osatutako taldeak sortuko dira (erdira jaitsi da), eta talde bakoitzean begirale bi egongo dira.


TXANDAK ETA ORDUTEGIAK


Usansolo, Aperribai eta Berezikoetxeko ludotekak


1. txanda 17:00-18:20 (Adin-tartea: 4-7)


2. txanda 18:35-20:00 (Adin-tartea: 8-11)


Urretako ludoteka


1. txanda 16:30-17:50 (Adin-tartea: 4-7)


2. txanda 18:05-19:30 (Adin-tartea: 8-11)


Txanda batetik bestera tarte bat egongo da desinfekzioa eta garbikuzia egiteko.


d) Haurrek ez dute materiala partekatuko ludotekan. Bakoitzak berea izango du. Hori bermatzeko, zenbait material, altzari zein jostailu erretiratu edo gorde egin da ludoteka bakoitzetik.


e) Izena ematerakoan familiei kontuan hartu beharreko ohar eta jarraitu beharreko arauen berri emango zaie.