Igo
  1. Galdakaon bizi
  2. Berriak-Hemeroteka
  3. Plazakoetxeko adinekoen eta Aperribaiko ikasleen arteko topaketak berriro hasi dira
  • 2019/12/02

Plazakoetxeko adinekoen eta Aperribaiko ikasleen arteko topaketak berriro hasi dira

Galdakaoko Udalak Aperribai Ikastetxeko ikasleen eta IMQ Igurco Plazakoetxe adinekoentzako eguneko zentroaren arteko topaketei ekin die berriro.


Aperribai Eskolako ikasleek eta IMQ Igurco Plazakoetxe eguneko zentroko erabiltzaileek belaunaldien artean egiten dituzten topaketen esperientzia hori Zainduz udal-programaren barruan kokatzen da. Programa hori Galdakaoko Udaleko gizarte-ekintzako arloak bultzatzen du, eta IMQ Igurcoren lankidetza du, eta, zehazki, Plazakoetxeko eguneko zentroaren koordinazioarekin.


Gazteak eta adineko jendea batzen dituen ideia integratzaile hori joan den ikasturtean sortu zen, lankidetza bateratua eta proiektua mendekotasun-egoeran dauden adineko pertsonak zaintzeko lana balioesteko eta ikusarazteko aukera gisa baloratu ondoren.


Azaroaren 7an Aperribai Herri-ikastetxeko Lehen Hezkuntzako seigarren mailako ikasleak eta Plazakoetxeko eguneko zentroko erabiltzaileak berriro elkartu ziren. Ikasturte honetan, hilean behin, ikasleek trebetasun sozialak eta funtsezko balioak ikasten eta entrenatzen jarraitzeko aukera izango dute, adinekoen bizi-esperientziei eta eguneko zentroko profesionalen eta Galdakaoko Zainduz programaren orientazioari esker.


Era berean, eguneko zentroaren erabiltzaileak adingabeekin denbora eta bizipenak partekatzeak dakarren esperientziaz elikatzen dira; belaunaldien arteko programak ere haien autoestimua hobetzen du eta gizartearen parte aktibo izatearen sentsazioa areagotzen du.


Zainduz programa


Bestalde, Galdakaoko Zainduz programak abenduaren 9tik 12ra eta, jaiegunen ondoren, urtarrilaren 13tik 16ra bitartean irekiko du izena emateko epea, urtarrilean hasiko diren jarduera hauetan parte hartzeko:



  • Deskarga emozionaleko "erlaxazio-teknikak" tailerra, astelehenetan, arratsaldeko 15:30etik 17.00etara, Torrezabal Kultur Etxean (hasiera-data: urtarrilaren 13a, amaiera-data: ekaina). Ezinbestekoa da mendekotasuna duen senitartekoaren zaintzailea izatea.

  • Prestakuntza-jarduera: "Heriotza: nola kudeatu dolua". Gizarte-ekintzako instalazioetan emango da asteazkenetan, 16:00etatik 17:30era (hasiera-data: urtarrilaren 29a - amaiera-data: otsailaren 19a).

  • Ibilaldi osasungarriak: parte-hartzaileak 15:30ean bilduko dira Ardanza parkean eta 17:00ean itzuliko dira puntu berera. Jarduera urtarrilaren 20tik aurrera hasiko da berriro. Zerbitzuaren berritasun gisa, mendekotasunarekin, zaintzarekin eta familiarekin lotutako liburuen eta eleberrien zerrenda egin da, errealitate hori adin guztietara eta Galdakaoko etxe guztietara hurbiltzeko helburuarekin. Zerrenda eta liburuak herriko liburutegi publikoetan egongo dira. Ohi bezala, zerbitzuak etengabe eskainiko ditu orientazio- eta informazio-zerbitzuak.


Banakako eta taldekako laguntza psikologikorako programa ere eskainiko dute. Ostegunetan izaten da, 11:00etatik 12:30era, Torrezabal Kultur Etxeko 1. gelan. Jardueran izena eman nahi duten edo, oro har, programari buruzko informazioa behar duten pertsona guztiek aurrez aurre jo dezakete Zainduz programara. Galdakaoko Udaleko Gizarte Ekintza Sailean, astelehen eta asteazkenetan 10:00etatik 13:00etara, edo asteazkenetan 16:00etatik 18:00etara. Telefonoz deitu nahi izanez gero, 94 401 05 45 zenbakira edo posta elektronikoz: zainduz@galdakao.net.