Igo
  • 2020/01/20

Galdakaoko ikastetxe publikoek urtarrilaren 27an zabalduko dute 2020-2021 ikasturterako aurrematrikulazio aldia

Udalerriko ikastetxe publikoek urtarrilaren 27an, astelehena, zabalduko dute 2020-2021 ikasturterako aurrematrikulazio aldia. Eskaerak zentroetan bertan egin ahalko dira, eskola-orduetan, egun horretatik aurrera otsailaren 7ra arte.


Aurrematrikula egin ahal izateko aurkeztu behar den dokumentazioa hau da:


✅ Familia-liburuaren fotokopia


✅ Errolda-ziurtagiria


✅ Matrikulazioaren inprimakia beteta


✅ Azken Errenta-aitorpena (aukerakoa)


Aurrematrikularen tramitazioa erraztearren, datozen egunetan Galdakaoko Udalak familia-erroldaren ziurtagiria bidaliko die 2 eta 3 urteko haurrak dituzten familiei, Esan-Herritarren Arretarako Zerbitzuko bulegora joan beharrik ez izateko.


Gainera, hitzaldi informatiboak egingo dira 4 ikastetxeetan, eta, Aperribai eta Gandasegi zentroen kasuetan, eskola visita ere egingo da.


Hona hemen informazio-hitzaldien datak eta ordutegiak:


✅ Aperribai HI: Urtarrilaren 29an 16:30etan (ikastetxean bertan)


✅ Gandasegi HI: Urtarrilaren 21ean 17:00etan (ikastetxearen areto nagusian)


✅ Unkina HI: Urtarrilaren 22an 17:00etan (ikastetxean bertan)


✅ Urreta HI: Urtarrilaren 23an 16:30etan (Urreta II, areto nagusian)


Galdakaoko Udalak informaziorako telefonoa jarri du gai honetarako: 944010540 (Hezkuntza eta Euskara Zerbitzua).