Igo
  • 2020/12/30

Bizkai kalea 1eko lokala ikasketa gela gisa zabalduko da, Torrezabaleko gelak betetzen direnean

Gobernu Planaren barruan, Torrezabal asteburuetan ikasgela gisa irekitzea jasota zegoen. Helburua asteburuetan ere ikasgelak behar dituzten gazte askoren eskaerari irtenbidea ematea zen.


Konpromiso hori bete da, baina gaur egungo osasun-arauek zuzenean eragiten diote zerbitzu horri, liburutegia edukieraren % 50ean baino ezin baita erabili.


Aste barruan ere eskaria eskaintza baino handiagoa izango zela aurreikusiz, beste espazio erabilgarri batzuk bilatu ziren, eta honako neurri hauek jarriko dira abian:


✔️Erakusketa-aretoa ikasgela gisa gaitzea, jende gehien biltzen den egunetan. Neurri hori aurreko urteetan ere hartu izan da.


✔️Bizkai kaleko 1. zenbakian dagoen eta normalean adinekoen etxe gisa erabiltzen den lokala gaitzea. Pandemia dela eta, lokala ez da % 100ean erabiltzen eta ikasteko gela gisa erabiltzeko lekua du.


Bizkai kalea 1eko lokalari dagokionez, honako prozedura hau proposatzen da hura erabiltzeko:


🔸Lokalak 25 plaza ditu.


🔸Liburutegia eta erakusketa-aretoa beteta daudenean bakarrik irekiko da.


🔸Udaltzaingoa arduratuko da irekitzeaz eta ixteaz.


🔸Liburutegiko langileek lokala irekitzeko beharraren berri emango diote udaltzaingoari eta haiek eskatuta irekiko dute lokala udaltzainek.


🔸Gehienezko ordutegia 09:00-21:00 izango da.


🔸Urtarrilaren 1ean lokala itxita egongo da eta abenduaren 31n ordutegia 09:00-14:00 izango da.


🔸Neurri horiek 2021eko urtarrilaren 28ra arte hartuko dira.


🔸 Obra eta Zerbitzuen arloak antolatu du berogailuak pizteari eta lokala garbitzeari dagokiona.


🔸Kultura Sailak Torrezabalen edukiera osatuz gero jarraitu beharreko prozeduraren berri emango die liburutegiko eta Aretoko langileei.