Adinekoentzako jardueren programa urrian itzuliko da

Covid-19 dela eta Galdakaoko Udaleko Adinekoen Dinamizazio Zerbitzuak martxotik bertan behera utzi behar izan zuen bere hileko jarduera-programa. Hile honetan ekingo dio berriro ere jarduera-programari.

EITBk Bilbon dituen instalazioetara bisita kultural bat egiteak, Arrigorriagatik Termibuserako mendi-ibilbide batek eta teknologia berrien, irakurketa eta gorputz-arreta osoko tailerrek osatzen dute Galdakaoko adineko pertsonentzako jardueren eskaintza. Jarduera horietarako beharrezkoa da aldez aurretik izena ematea (pertsona bakoitzeko 2 izen-emate gehienez) telefonoz, 944010545 zenbakian edo Ardanza parkearen ondoan dauden dinamizazio Zerbitzuaren bulegoetan (aurretiko hitzorduarekin).

Jarduera guztietan bete beharko dira ohiko osasun-neurriak, hala nola maskara erabiltzea, eskuen higienea eta segurtasun-distantzia, eta taldeak gehienez 10 pertsonak osatuko dituzte.

Hauek dira urrirako programatutako jarduerak:

✅ Gorputz-arretarako tailerra

Helburua: pertsonak ingurunearen aurrean fisikoki nola aurkezten diren eta ingurunearekin nola erlazionatzen diren jabetuko da, lateralitatea, oreka, jarrera eta arreta hobetuz.

Data: asteazkenero urriaren 14tik abenduaren 16ra

Ordutegia: 10:00etatik 11:30etara·

✅ Irakurketa tailerra

Helburua: adinekoen adierazpena, ulermena eta hizkuntza hobetzea da, bai eta gaitasun kognitiboak hobetzea ere, hala nola arreta eta memoria.

Data: asteazkenero urriaren 14tik abenduaren 16ra

Ordutegia: 18:45etatik 19:45etara

✅ Bisita kulturala: EITB (Bilbao)

Helburua: parte-hartzaileak komunikazioaren mundura gerturatzea EITB-ko egoitza ezagutuz.

Data: urriaren 22, osteguna: erdaraz 10:30etan eta euskaraz 11:30etan.

✅ Teknologia berrien tailerrak

Bi tailer ezberdinak emango dira:

Mugikorra eta smartphonea erabiltzeko tailerra

Helburua: mugikorraren eta smartphonearen funtzionamenduari buruzko oinarrizko ezagutzak ematea parte-hartzaileei.

Datak: osteguna eta ostirala, urriaren 22 eta 23, 10:00etatik 12:00etara Torrezabalen eta 17:00etatik a 19:00etara Txapelena baserrian.

Bideo-deien tailerra

Helburua: komunikatzeko moduetan sakontzea bideo-deien bidez, eta horretarako erabiltzen diren programak eta aplikazioak ezagutaraztea.

Data: osteguna eta ostirala, urriaren 29 eta 30, 10_00etatik 12:00etara Torrezabal Kultur Etxean eta 17:00etatik 19:00etara Txapelena baserrian.

✅ Mendi ibilaldia: Arrigorriagatik Garellanora

15 kilometroko ibilbidea Arrigorriagatik Pastorekorta eta Pagasarri mendien magaletik, Arraizko gainetik igaro eta Bilboko Termibusera jaitsi Mazustegi auzotik.

Data: irteera bera egingo da hilean bitan: urriaren 27 eta 29an.