Galdakaoko Udala. Etxebizitza eta Sustapen Publikoak

Etxebizitza eta Sustapen Publikoak

Etxebizitzak

Etxebizitza arloa "Hirigintza, Obra eta Zerbitzu, eta Etxebizitza Saila"-ren menpe dago, eta informazioa eta aholkularitza eskaintzen ditu, galdakoztarren etxebizitza duinaren eskaerari erantzuteko.

Galdakaoko hobekuntzan lan egiten da, sortzen diren arazoei irtenbidea ematen saiatuz. Hobetzeko konpromiso horren barruan sartzen dira dirulaguntzei buruzko informazioa zabaltzea, hutsik dauden etxebizitzak mobilizatzea edo udal-etxebizitzak eraikitzea, bai eta dagoeneko eraikita dauden etxebizitzak kontserbatzen, berritzen eta birgaitzen laguntzea ere.

Udal zerbitzuak zuzeneko aholkularitza, eta laguntza ere eskaintzen du tramitazioetan: telefonoz (94 401 05 29), posta elektronikoz (nonbizi@galdakao.eus) eta aurrez aurre (astelehenetan, hitzordua eskatuta).

ZUZKIDURA-BIZITOKIAK

60 ZUZKIDURA-BIZITOKI GALDAKAOKO HAPOko UECR19 UNITATEAN (Ibarluze kalea, 40)

2023ko ekainaren 12an, GALDAKAOKO UDALAREN ALOKAIRUKO 60 ZUZKIDURA-BIZITOKI BAREMATUZ ESLEITZEKO PROZEDURAREN OINARRIAK onartu dira.

ZUZKIDURA-BIZITOKIAK ALOKAIRU-ARAUBIDEAN ETA BAREMAZIO BIDEZ ADJUDIKATZEKO PROZEDURAREN OINARRIAK

GIZARTE-LARRIALDIETARAKO ETXEBIZITZAK

Galdakaoko Udala herrian kokatutako etxebizitza batzuen titularra da jabetzan. Zenbait arrazoirengatik beren ohiko bizilekua utzi behar duten pertsonak eta/edo familiak gerora egon daitezkeen egoeraz jabetuta, Udalak erabaki du etxebizitza horiek Gizarte Larrialdietarako Etxebizitzetarako erabiltzea, aldi baterako ostatu har dezaten.

Hori kudeatzeko, Galdakaoko gizarte-larrialdietarako udal-etxebizitzetarako sarbidea eta erabilera arautzeko udal-ordenantza bat prestatu eta onartu da.

GALDAKAOKO GIZARTE LARRIALDIKO UDAL ETXEBIZITZAK ESKURATU ETA ERABILTZEKO,ORDENANTZA ARAUTZAILEA

HUTSIK DAUDEN ETXEBIZITZAK

Galdakaoko Udalak eta Alokabidek (Eusko Jaurlaritzaren sozietate publikoa) lankidetza-hitzarmena sinatu dute Galdakaon hutsik dauden etxebizitzen alokairua bultzatzeko.

Udaletik proiektu bat egiten ari gara udalerrian jenderik gabeko etxebizitzen fenomenoa aztertzeko. Udalak bere planaren barruan etxebizitza hutsak mobilizatzeko eta alokairu-parkea handitzeko aurreikusitako ekintzetako bat da, etxebizitzaren funtzio sozialari eta etxebizitza arrazoizko prezioan eskuratzeko arazoari erantzuteko.

Galdakaoko Udalaren ustez, azterlan hau abiapuntu bikaina izango da etxebizitza errealitate horretara hurbiltzeko, dimentsionatzeko eta mobilizatzeko politikak egiteko.

Bizigune programari buruzko informazio orokorra